50 zyrtarët shtetërorë të arrestuar gjatë ditës së djeshme në pikat kufitare Qafë Morinë dhe Qafë Prush nën dyshimin se kanë kryer veprën penale “marrje ryshfeti” dhe “keqpërdorim i pozitës zyrtare”, do të dalin sot para Gjykatës.
Gazeta Sinjali ka siguruar pamje të momentit kur policët e arrestuar dhe doganierët sillen me pranga në duar në Gjykatë.
Tashmë kërkesa për caktimin e masës së paraburgimit është dorëzuar në Gjykatën Themelore në Prishtinë, Departamenti Special, ku do të mbahet edhe seanca dëgjimore.
Prokuroria Speciale ka kërkuar caktimin e masës e paraburgimit ndaj zyrtarëve të arrestuar, pas sigurimit të provave të shumta që konfirmojnë dyshimin e bazuar për përfshirjen e tyre në korrupsion. Sipas Prokurorisë, përveç dyshimit të bazuar, ekziston edhe rreziku i ikjes dhe ndikimit në procesin e të provuarit.
