Gazeta Sinjali raportoi sot ekskluzivisht për aksionin e Drejtorisë për Hetimin e Trafikimit me Narkotikë, në fshatin Shirokë të Suharekës, ku zbuloi plantacion droge.
Sinjali ka siguruar pamje ekskluzive të vendit ku u zbulua droga gjatë aksionit të Policisë së Kosovës.
Në pamjet e siguruara shihen forca të shumta të policisë, të cilët kanë rrethuar një objekt, ku edhe është gjetur plantacioni i drogës.
Po ashtu, burime të Gazetës Sinjali bëjnë me dije se në këtë aksion janë kapur në flagrancë disa persona duke e bërë vjeljen e drogës të llojit kanabis.
