Një zyrtar pro-rus në një pjesë të pushtuar të rajonit të Zaporizhzhia është vrarë në një sulm me makinë bombë, kanë thënë zyrtarët e mbështetur nga Moska.
Ivan Sushko, i cili drejton këshillin lokal në qytetin e Mykhailivka, vdiq në spital pasi u plagos rëndë kur shpërtheu një bombë e vendosur nën makinën e tij, shkruan BBC transmeton Gazeta Sinjali.
Mykhailivka është një qytet me rreth 11,000 banorë dhe ndodhet vetëm 63 km (39 milje) nga centrali bërthamor i Zaporizhzhia.
Sushko është zyrtari i fundit pro-rus që është vrarë në rajonet e pushtuara të Ukrainës. Forcat partizane kanë vrarë disa zyrtarë të profilit të lartë dhe dy javë më parë nënkryetari i qytetit të Nova Kahovka u qëllua për vdekje jashtë shtëpisë së tij.
