Një veturë është përfshirë nga zjarri sot rreth orës 11:00 në afërsi të spitalit rajonal ‘Isa Grezda’ në Gjakovë, raporton Gazeta Sinjali.
Rastin për Gazetën Sinjali e ka konfirmuar zëdhënësi i Policisë së Kosovës për Rajonin e Gjakovës, Nysret Gjurkaj, i cili ka thënë se vetura është djegur në parking.
Sipas Gjurkajt, nuk ka persona të lënduar e as veturat që ishin përreth nuk kanë pësuar dëme.
Në vendin e ngjarjes ka dalë Policia, zjarrfikësit dhe inspektori për parandalimin e zjarreve.
