Lionel Messi po vazhdon me formën e lartë me kombëtaren e Argjentinës, i cili duke u bërë më i vjetër vetëm sa ka rritur performancat në nivel ndërkombëtar, raporton Sinjali Sport.
35-vjeçari mbrëmë ka shënuar një ‘tregolësh’ në vetëm 37 minuta të luajtura, në fitoren 7-0 të Argjentinës ndaj Curacaos në një miqësore.
‘Tregolëshi’ i tij bëri që ai të shënonte golat e 100-të, 101-të dhe 102-të me fanellën e Argjentinës.
Ai është bërë vetëm lojtari i tretë në histori që realizon 100+ gola në turnetë ndërkombëtar, vetëm pas Ali Daei me 109 gola, dhe Cristiano Ronaldos i cili prin me 122 gola.
Men’s footballers with 100+ international goals:
— B/R Football (@brfootball) March 29, 2023
▪️ Cristiano Ronaldo—122
▪️ Ali Daei—109
▪️ Lionel Messi—101 pic.twitter.com/yq8asS5Pqm
Për dallim nga dy të parët, Lionel Messi është bërë i pari ndonjëherë si një fitues i Kupës së Botës që prek numrin jubilar të 100 golave ndërkombëtarë.
Njëherit, ky ishte ‘tregolëshi’ i 57-të në karrierën e argjentinasit.
