Një tjetër varr masiv që mban 900 trupa është gjetur në rajonin e Kievit. Lajmin e bëri të ditur presidenti ukrainas Volodymyr Zelensky.
Në një intervistë me mediat polake, ai akuzoi trupat ruse për “pastrimin e gjurmëve” dhe përdorimin e krematoriumeve të lëvizshëm për të djegur kufomat.
“Askush nuk e di se sa njerëz kanë vdekur në total. Do të ketë pasoja, do të ketë një hetim”, tha Zelensky.
Detaje të tjera presidenti i Ukrainës nuk dha. Vendi më herët akuzoi trupat ruse për vrasjen e qindra civilëve në Bucha, Borodyanka dhe Irpin, qytete pranë kryeqytetit Kiev, të cilat janë pushtuar për javë të tëra nga Rusia.
Moska i ka hedhur poshtë akuzat.
