Një person i gjinisë mashkullore rreth 50-vjeçar dyshohet se është hedhur nga Ura e Fshajtë në Gjakovë, raporton Gazeta Sinjali.

Lajmin për Gazetën Sinjali e kanë konfirmuar nga policia e rajonit të Gjakovës.

“Tani jemi në fazën e parë të hetimeve dhe nuk mund të japim detaje më shumë. Dyshohet se një person i lindur rreth vitit 1971/72 është vërejtur nga një kalimtar i rastit që ka kërcy. Veturën e ka parku afër rrugës e ka lënë një letër. Policia e ka këqyr vendin e ngjarjes. Ne kemi njoftu njësitë e kërkim-shpëtimit, presin që edhe ata të na e bashkëngjiten”, thuhet në përgjigjen e tyre./Gazeta Sinjali/