image Një nga të infektuarat e para me koronavirus në Kinë shërohet plotësisht, pagoi mijëra euro për trajtim

Botë

Pandemia/ Një nga të infektuarat e para me koronavirus në Kinë shërohet plotësisht, pagoi mijëra euro për trajtim

news image

Wei Guixian ishte një nga të sëmurët e parë në Kinë me koronavirus, që tani është kthyer në shtëpi, sepse gjendja saj shëndetësore është shumë e mirë.

Raportohet se shitësja 57-vjeçare, është shëruar plotësisht nga sëmundja, ndërsa është duke qëndruar në shtëpi, pasi pagoi në spital faturën prej afro dhjetë mijë eurove.

Derisa ajo u shërua dhe është kthyer të qëndrojë në apartamentin e saj me dy dhoma, e bija që është e infektuar me Codid-19, po trajtohet ende në spital.

Më dhjetë dhjetor të vitit të kaluar, ajo ishte kontrolluar te mjeku sepse nuk ndjehej mirë, por është lëshuar duke menduar se kishte vetëm një të ftohur të lehtë.

Pasi që nuk dihej se çfarë kishte, mjekët e kishin trajtuar për bronhit, ndërsa ajo vazhdonte të mos ndjehej mirë dhe e humbte vetëdijen.

Kur u kuptua se ajo është e sëmurë me koronavirus, u vendos menjëherë në karantinë, ndërsa i gjithë tregu ku shiste ajo, është dezinfektuar dhe shumë gjëra ushqimore janë hedhur.

Trajtimi i duhur, që ka marrë kohë të konsiderueshme, i ka ndihmuar asaj që të ketë shëndet të plotë dhe t’i kthehet normalitetit./Gazeta Sinjali/