Kardinali Jean-Pierre Ricard lëshoi një deklaratë me shkrim të hënën pasi një raport i lëshuar vitin e kaluar zbuloi një “fenomen masiv” të abuzuesve seksualë të fëmijëve, që vepronin për dekada brenda Kishës Katolike Franceze .
Ricard lëshoi një deklaratë duke rrëfyer se kishte abuzuar seksualisht me fëmijën gjatë ditëve të tij të hershme në Kishën Katolike
“Tridhjetë e pesë vjet më parë, kur isha prift, u solla në mënyrë të papërgjegjshme me një vajzë të re 14-vjeçare. Sjellja ime ka shkaktuar në mënyrë të pashmangshme pasoja të rënda dhe të qëndrueshme për këtë person”, tha Ricard.
Njoftimi u bë në një konferencë shtypi nga presidenti i konferencës së peshkopëve francezë, kryepeshkopi Éric de Moulins-Beaufort.
Moulins-Beaufort tha se 11 peshkopë dhe ish-peshkopë, përfshirë Ricard, ishin akuzuar në lidhje me abuzimin seksual në raste të ndryshme të hetuara nga drejtësia franceze ose autoritetet e kishës.
Ricard tha se kishte folur me viktimën dhe i kishte kërkuar falje, pa specifikuar se kur. Ai tha se po kërkonte gjithashtu falje “për të gjithë ata që lëndova” përmes deklaratës së tij.
Studimi i gjerë i lëshuar vitin e kaluar nga një komision i pavarur vlerësoi se 330,000 fëmijë u abuzuan seksualisht gjatë 70 viteve nga priftërinjtë ose figura të tjera të lidhura me kishën në Francë.
Raporti përfshinte rreth 216,000 njerëz të abuzuar nga priftërinjtë dhe klerikë të tjerë, dhe pjesa tjetër nga figura në institucione të lidhura, si udhëheqësit e skautëve dhe këshilltarët e kampeve. Vlerësimet u bazuan në një hulumtim më të gjerë nga Instituti Kombëtar i Shëndetit dhe Kërkimeve Mjekësore të Francës mbi abuzimin seksual të fëmijëve, raporton The Guardian.
