Një fëmijë i moshës 3-vjeçare ka rënë sot në Lumbardhin e Pejës, derisa ishte duke vozitur një veturë elektrike për fëmijë (lodër), shkruan Gazeta Sinjali.
Fatmirësisht, ai ka shpëtuar, falë ndihmës së disa personave që janë futur në lumë dhe e kanë nxjerrë prej aty.
Një sinjalizues ka dërguar fotografi në adresë të Sinjalit, ku shihet se fëmija është mbuluar me një xhaketë, derisa një person tjetër po e mban në krahë.
Sinjalizuesi ka thënë se fëmija ka qenë luajtur me veturë në afërsi të lumit dhe duke vozitur ka rënë poshtë në lumë.
Ai tha se në vendin e ngjarjes kanë dalë njësitet e Policisë së Kosovës dhe zjarrfikësve.
Sinjali do t’iu mbajë të informuar…
