Në fshatin Zhur të Prizrenit, një femër ka tentuar ta vrasë veten – si rëndom, duke përdorur medikamente, shkruan Gazeta Sinjali.

Sinjali mëson se më datë 29 prill rreth orës 16:00, e njëjta ka kërkuar ndihmë mjekësore në Spitalin Rajonal të Prizrenit. Dyshohet se ajo tentoi ta vrasë veten duke konsumuar medikamente të ndryshme dhe në sasi të konsiderueshme.

Viktima ka marrë tretman mjekësor dhe sipas mjekut kujdestar, siç mësoi Sinjali, gjendja e saj është jashtë rrezikut për jetë.

Nuk dihet arsyeja e përdorimit të medikamenteve nga ana e saj që deshi t’ia marrë jetën vetes.

Sinjali mëson se ajo tashmë është hospitalizuar./Gazeta Sinjali/