Një peticion online ka marrë formë dhe ka nisur tashmë. Peticioni synon ta kundërshtojë vendimin e Bankës Qendrore të Kosovës që të rritet çmimi për sigurimin e automjeteve.

Në peticionin e nisur tregohet se rritja e këtij çmimi është më shumë se 26 për qind.

“Ky peticion bëhet me qëllim që të bëjë presion tek BQK, dhe institucionet tjera të involvuara, që ta anulojnë këtë vendim dhe çdo lloj vendimi tjetër që ka të bëjë me rritjen e tarifave të sigurimit”, thuhet ndër të tjerash në përshkrimin e peticionit.

Pos këtij peticioni, për të shtunën e 23 nëntorit është paraparë edhe një protestë para BQK-së.