image Ngritet aktakuzë ndaj personit që thoshte se ka gjetur ilaçin për koronavirus

Kosovë

Drejtësi/ Ngritet aktakuzë ndaj personit që thoshte se ka gjetur ilaçin për koronavirus

news image

Prokuroria Themelore në Gjilan, Departamenti i Përgjithshëm, ka ngritur aktakuzë ndaj të pandehurit K.A., për shkak të veprës penale “Prodhimi dhe shpërndarja e produkteve të dëmshme mjekësore’’, nga neni 260 paragrafi 2 të Kodit Penal të Republikës së Kosovës.

“Sipas aktakuzës, më 6 prill 2020, i pandehuri K.A., në fshatin Përlepnicë Komuna e Gjilanit, ka vënë në qarkullim barëra ose produkte të dëmshme mjekësore, pa iu bërë kontrolli i nevojshëm nga personi apo enti i autorizuar, në atë mënyrë që përmes rrjetit social ‘’Facebook’’, ka publikuar  njoftimin për vënien në qarkullim të barit për luftimin e Corona Virusit”, thuhet në njoftimin për media.

Në këtë mënyrë, i njëjti ka  vepruar në kundërshtim me Ligjin për Shëndetësi  04/L-125 dhe Ligjin për Produkte dhe Pajisje Medicinale 04/L-190./Gazeta Sinjali/