Ministria e Punëve të Brendshme, respektivisht Agjencia e Regjistrimit Civil, bën të ditur se edhe në Komunën e Gjilanit do të fillojë lëshimin e vulës apostile dhe vulës verifikuese, shkruan Gazeta Sinjali.

MPB njofton se lëshimi i këtyre vulave do të fillojë nga nesër, 11 nëntor 2020, duke filluar nga ora 11:00, në Qendrën për Pajisje me Dokumente/Qendrën për Regjistrimin e Automjeteve  në Komunën e Gjilanit.

“Për shkak të Pandemisë COVID-19 dhe situatës së raportuar për gjendjen e rënduar me “Koronavirus” ditëve të fundit në Komunën e Gjilanit, ju njoftojmë se nuk do të ketë ceremoni zyrtare të organizuar nga Agjencia e Regjistrimit Civil/Ministria e Punëve të Brendshme”, thuhet në njoftimin e ministrisë.

Megjithatë, është apeluar që për shkak të përhapjes së virusit korona, qytetarët të kenë kujdes të shtuar dhe t’u përmbahen njëkohësisht këshillave të institucioneve shëndetësore./Gazeta Sinjali/