Në të gjitha lokalet e Prishtinës nesër do të dëgjohet kënga e ikonës së muzikës shqipe, Nexhmije Pagarusha, shkruan Gazeta Sinjali.

Ky vendim u mor pas dakordimit ndërmjet Shoqatës së Gastronomëve të Prishtinës dhe ministres së Kulturës, Rinisë dhe Sportit, Vlora Dumoshi, në shenjë nderimi të veprës dhe krijimtarisë së ikonës shqiptare.

“Diva origjinale e trevave tona nesër do dëgjohet, në sinkron, në të gjitha lokalet e Prishtinës, në të njëjtën kohë, për të prodhuar një kontrast që bashkëvepron. Zëri i saj do shkrijë mërzinë tonë dhe në anën tjetër do ta ngrijë kujtimin për të në mendjet tona’, thuhet në njoftim e shoqatës.

Nexhmije Pagarusha ndërroi jetë sot në moshën 86-vjeçare.

Këngëtarja e mirënjohur vuante nga një sëmundje e rëndë qe një kohë.

Varrimi i të ndjerës do të bëhet në fshatin Pagarushë të Malishevës me rrethin e ngushtë familjar sipas amanetit të saj./GazetaSinjali/

Postimi i plotë i shoqatës së Gastronomëve: