image Në shtator do të vijnë mjekë nga SHBA dhe Italia për t'i operuar falas fëmijët me anamoli në zemër - Sinjali

Në shtator do të vijnë mjekë nga SHBA dhe Italia për t’i operuar falas fëmijët me anamoli në zemër

news image

Në shtator të këtij viti, për një javë, në Kosovë do të qëndrojë organizata “Gift of Life”, ku mjekët e kësaj organizata do të operojnë falas fëmijët me anomali në zemër.

Kjo gjë u kuptua nga takimi i realizuar në kuadër të përgatitjeve dhe koordinimit të punëve, të cilin e zhvilloi ministri i Shëndetësisë, Rifat Latifi me Albana Krasniqin e cila është drejtoreshë e organizatës së lartëcekur dhe aktivistin Mazllum Belegu, shkruan Gazeta Sinjali.

Ky takim është realizuar në kuadër të përgatitjeve dhe koordinimit të punëve, për ardhjen e ekipit të mjekëve nga data 10 deri më 17 shtator 2022, në Prishtinë, dhe të cilët janë pjesë e organizatës Gift of Life. Ky ekip i mjekëve do të operojnë falas disa fëmijë, të cilët kanë probleme në zemër, dhe që shërimi i tyre tashmë është bërë i mundur në Kosovë”, thuhet në njoftimin e MSh-së.

Operacionet që do të kryhen falas nga ekipet e “Gift of Life” nuk janë të mundshme të bëhen nga mjekët në Kosovë, por janë edhe tejet të kushtueshme.

/GazetaSinjali/


Shpërndaje artikullin

Etiketat kryesore: