Pasi Kosova nuk e lejoi mbajtjen e referendumit serb në territorin e saj, zyrtarë nga e ashtuquajtura Zyra për Kosovën në Qeverinë e Serbisë kanë arritur marrëveshje me disa kompani kosovare për transportin e serbëve të Kosovës në Serbi, ku do të mund të votojnë.
Sinjali mëson se këta operatorë ekonomikë të transportit (emra të njohur për redaksinë) kanë bërë marrëveshje me udhëheqësit e kësaj zyreje, që t’i dërgojnë serbët e Kosovës në Kurshumli, Novi Pazar, Rashkë e Vranjë që të votojnë për referendumin serb.
Dje pas një seance të jashtëzakonshme të thirrur nga kryeministri Kurti, në Kuvend u miratua rezoluta e cila e ndalon mbajtjen e referendumit serb në Kosovë.
