Zyrtarët shëndetësorë në Brazil njoftuan se 730 persona kanë vdekur nga koronavirusi në këtë shtet vetëm në 24 orët e kaluara. Kështu numri i përgjithshëm i viktimave shkoi në 10,627.

Ministria e Shëndetësisë gjithashtu njoftoi se gjatë kësaj periudhe u shënuan 10,611 raste të reja të infektimeve dhe numri i përgjithshëm i të prekurve shkoi në mbi 155,000 persona.

Brazili ishte shteti i parë që kishte regjistruar të vdekur nga Covid-19 në rajon dhe është në mesin e vendeve më të prekura në Amerikën Jugore. Ky shtet i ka gati 210 milionë banorë, shkruan “Anadolu”.

Stadiumi i famshëm “Maracana” në Rio de Janeiro është shndërruar në spital për trajtimin e pacientëve me koronavirus, raportojnë mediet lokale.

Ai do të ketë kapacitet prej 400 shtretërve, por tash për tash aty ndodhen vetëm 170 shtretër, 50 prej të cilëve janë në sektorin e kujdesit intenziv./Gazeta Sinjali/