Të dielën nga ora 06:00 deri në orën 19:00 do të bllokohet rruga kryesore në qendër të qytetit të Gjilanit. Kështu ka njoftuar vetë komuna.

“Komuna e Gjilanit njofton qytetarët se të dielën (30.08.2020), nga ora 6:00 deri në ora 19:00, do të bllokohet rruga kryesore në qendër të qytetit për të gjitha automjetet, nga semaforët e deri tek rrethrrotullimi afër Sahatkulles”, thuhet në njoftim.

Arsyeja e bllokimit të rrugës do të bëhet pasi do të asfaltohet zgjerimi i kësaj rruge.

“Arsyeja e ndalimit të qarkullimit në bulevardet “Ibrahim Rugova” dhe “Skënderbeu”, është asfaltimi në projektin e zgjerimit të rrugës”, thuhet në njoftim. /Gazeta Sinjali