Shkencëtarët në Britaninë e Madhe kanë ndalur testimin klinik të hidroksiklorokinës për shkak se nuk ka shfaqur asnjë efekt te pacientët e infektuar me COVID-19.

Testimi i njohur me emrin “Recovery”, është ndërprerë pasi nuk ka pasur asnjë provë të përfitimit nga ilaçi të cilin e ka përdorur dhe promovuar presidenti i Shteteve të Bashkuara të Amerikës, Donald Trump.

Në testim kanë marrë pjesë 1 mijë e 500 pacientë të prekur me koronavirus.

Të dhënat kanë treguar se pas 28 ditësh, 25 për qind e pacientëve që kanë marrë hidroksiklorokinë kanë vdekur, krahasuar me 23 për qind e atyre që janë trajtuar me ilaçe tjera./Gazeta Sinjali/