image Ndodh në Shqipëri, goditet me mjet të fortë zëvendëstrajneri i Partizanit

Futboll

Ndodh në Shqipëri, goditet me mjet të fortë zëvendëstrajneri i Partizanit

news image

Laçi-Partizani nuk ishte një ndeshje e qetë, ndoshta që të gjitha ndeshjet e këtij sezoni mes këtyre dy skuadrave kanë qenë të tensionuara por në fushën e kurbinasve ndodhi një ngjarje e rëndë.

Në fund të pjesës së parë, kur skuadrat dhe stafet po futeshin në fushë për të shkuar në dhomat e zhveshjes, nga tribuna qendrore në drejtim të pankinës së kuqe janë hedhur sende të forta ku një prej tyre goditi zv.trajnerin e Partizanit, Ilir Bozhiqi.

Ai u rrëzua dhe menjëherë mori ndihmën e shpejtë por pamjet ishin tepër të rënda për një ndeshje të Kategorisë Superiore.

Bozhiqi u pa duke shkuar me këmbët e tij në dhomat e zhveshjes, por veprimi është i rëndë dhe Laçi rrezikon të jetë subjekt i Komisionit të Disiplinës.

Kujtojmë që sfida u mbyll 2-2 dhe Laçi zbriti Partizanin nga kreu me këtë rezultat./Gazeta Sinjali Sporti/