Një ditë pas djegies së veturës së një polici në Leposaviq, në të njëjtin vend mbrëmë është djegur një veturë tjetër me targa të Kosovës.
Kossev raporton se këtë e ka konfirmuar policia e rajonit të Veriut dhe sipas informacioneve veturës i është vënë flaka qëllimisht.
Portali KoSS jozyrtarisht mëson se kjo veturë dyshohet se është e regjistruar me targa RKS dhe se është në pronësi të një personi serb me inicialet N.Č.
Gjatë ditës së djeshme u raportua se një pjesëtari serb të policisë kufitare i është djegur vetura në fshatin Kajkovë, afër Leposaviqit.
