Napoli nuk ka arritur të pajtohet me kushtet me Paris Saint-Germain për Keylor Navas, kështu që ata do të mbeten me Alex Meret dhe Salvatore Sirigu.
Ndërkombëtari i Kosta Rikës ishte në kërkim të një sfide të re pasi trajneri Christophe Galtier konfirmoi se Gianluigi Donnarumma është zgjedhja numër një në portë për këtë sezon.
Napoli kishte qenë i etur për të sjellë portierin 35-vjeçar për të konkurruar me Meret në Stadio Diego Armando Maradona.
Megjithatë, L’Equipe raporton se me vetëm disa orë të mbetura në afatin kalimtar italian, Napoli ka hequr dorë nga transferimi i Navas.
Meret priti një penallti në barazimin e mbrëmshëm 1-1 në Serie A me Lecce, duke i rritur besimin portierit.
Duke thënë këtë, burime të shumta janë të sigurta se Napoli do të përpiqet përsëri në janar për të marrë Navasin, i cili madje mund të ndërpresë kontratën e tij me PSG-në me pëlqim reciprok.
Ai ka qenë në klubin francez që kur u largua nga Real Madrid në vitin 2019.
