image Mustafa: Nuk do të bisedojmë për koalicion pa u shterrë mundësitë që VV-ja ta marrë mandatin

Kosovë

Qeveria/ Mustafa: Nuk do të bisedojmë për koalicion pa u shterrë mundësitë që VV-ja ta marrë mandatin

news image

Kryetari i Lidhjes Demokratike të Kosovës, Isa Mustafa ka thënë se ka kërkuar pajtimin e Këshillit të Përgjithshëm të partisë për formimin e një koalicioni qeverisës me AAK-në, Nismën, AKR-në dhe komunitetet.

Mustafa tha se nuk do të bisedojnë për konkretizimin e këtij koalicioni, pa u shterrë të gjitha rrugët kushtetuese që Lëvizja Vetëvendosje ta marrë mandatin si parti e parë.

“Kam kërkuar pajtimin ne parim te Këshillit te Përgjithshëm. Nuk do të bisedoj për konkretizim të koalicionit me asnjë nga subjektet AAK, Nisma, AKR, partitë e komuniteteve jo shumicë, pa u shterrë te gjitha rrugët kushtetuese për ta marrë mandatin VV, si parti e parë, fituese relative e zgjedhjeve”, u shpreh Mustafa për KosovaPress.

Lëvizja Vetëvendosje, përkundër dy letrave të presidentit Hashim Thaçi ku ka kërkuar emrin e mandatarit për kryeministër, ende nuk ka kthyer përgjigje.

Me inicimin e LDK-së, më 25 mars, rreth 82 deputetë të Kuvendit të Kosovës kanë votuar mocionin për rrëzimin e Qeverisë Kurti. /Gazeta Sinjali/