image Musk trefishoi miliardat brenda një viti
[wp-story id="814678"]

Botë

Musk trefishoi miliardat brenda një viti

news image

Bizneset i kanë ecur mjaft mirë këtë vit dhe kjo e ka konsoliduar miliarderin amerikan Elon Musk, në pozitat e njeriut më të pasur të globit. Ai renditet në krye të listës së 500 miliarderëve të globit nga rrjeti mediatik Bloomberg.

Përllogaritja më e fundit e Bloombergut flet për një vlerë neto të pasurisë së Musk prej 340 miliardë dollarësh, më i lartë se Prodhimi i Brendshëm Bruto i Finlandës, që renditet në vendin e 40 në botë.

Pasuria e tij pati më tepër se trefishim brenda një viti dhe ndikim duket se ka pasur edhe rritja e lartë e të ardhurave për firmën e tij Tesla, që këtë vit u bë e pesta në botë në listën e markave me vlerë triliona dollarëshe.

Musk pati rritjen më të lartë të pasurisë mes gjithë miliarderëve të tjerë me 171 miliardë plus.

Ai nxjerr në vendin e dytë një tjetër manjat i teknologjisë së lartë, Jeff Bezos që mbante deri tani kreun. Pasuria e tij arriti këtë vit në 200 miliardë dollarë, duke pësuar një rritje me 10 miliardë.

Pas tij, renditet francezi Bernar Arno, që aktivitetin e tij e shtrin në tregtinë e mallrave të konsumit.

Megjithatë, ai është i vetmi mes 9 emrave që kryesojnë listës, jashtë fushës së teknologjisë Hi-Tech, ku ndiqet në renditje nga Bill Gates, themelues i Microsoft./GazetaSinjali/