Ministria e Shëndetësisë, përmes një reagimi në Facebook, ka sqaruar vendimin e qeverisë lidhur me testimin për COVID-19 për personat që hyjnë në Kosovë.

Sipas MSH-së, rekomandimi i qeverisë nuk do të thotë se është obligativ për të gjithë qytetarët e Kosovës, por vetëm rekomandim që u ndihmon qytetarëve të kenë më shumë informacione për koronavirusin.

“Rekomandimi nuk do të thotë që secili udhëtar që hyn në Republikën e Kosovës, sipas vendimit të lartpërmendur obligohet ta ketë testin RT-PCR negativ, por është vetëm rekomandim që i ndihmon qytetarët që të kenë më shumë informacione dhe siguri rreth statusit të tyre shëndetësor në raport me Covid-19”, thuhet në njoftim.

E, sa i përket kthimit të qytetarëve për nga vendi nga vijnë, duhet t’i pyesin vendet për nga vijnë./ Gazeta Sinjali/