Trajneri i Romës, José Mourinho, ka konfirmuar se Ainsley Maitland-Niles do të kthehet në Arsenal pas huazimit të tij gjashtë-mujor në kryeqytet.
‘Giallorossi’ e huazuan 24-vjeçarin në afatin kalimtar të janarit, por anglezi ka pasur vështirësi me kohën e lojës në Stadio Olimpico.
Ai tani është i vendosur të kthehet në Arsenal, siç konfirmohet nga trajneri i Romës, Mourinho dhe lojtari.
“Mënyrë e shkëlqyeshme për të përfunduar sezonin faleminderit lojtarëve dhe stafit të tifozëve të Romës që më përqafuan dhe besuan në mua si njëri prej tyre për periudhën e shkurtër të kaluar në klub, çfarë eksperience dhe për të qenë pjesë e historisë me klubi”, shkroi 24-vjeçari në Instagram duke shtuar një foto me Ligën e Konferencës së fituar nga Giallorossi javën e kaluar.
The Special One ndau të njëjtin mesazh në storiet e tij në Instagram duke shtuar “Do të na mungosh, një prej nesh”.
Maitland-Niles grumbulloi 12 paraqitje, nëntë si titullar, gjatë periudhës së tij gjashtëmujore në kryeqytet.
Mourinho tani është në kërkim të një mbrojtësi të ri të krahut të djathtë dhe Aaron Wan-Bissaka dhe Diogo Dalot janë lidhur me një lëvizje në Stadio Olimpico.
Liga e Konferencës ishte trofeu i parë i Romës në 14 vjet dhe kupa e parë evropiane e fituar nga klubi në historinë e tyre.
