Policia e Kosovës ka apeluar te qytetarët që të respektojnë rregullat në trafik, në mënyrë që të jenë të sigurtë në rrugë.
Policia kërkon nga qytetarët të respektojnë kufizimin e shpejtësisë, të mos përdorin telefonat gjatë ngasjes, por të përdorin rripin e sigurisë dhe të kenë kujdes të shtuar ndaj përdoruesve të pambrojtur të rrugës.
Po ashtu, thuhet se pasojat janë fatale kur tejkalohet shpejtësia e lejuar.
“Mbi 50 për qind e aksidenteve me pasoja fatale ndodhin si shkak i mosrespektimit të shpejtësisë së kufizuar”, thuhet tutje në apelin e policisë.
