Serie A do t’i shtohet këtë sezon edhe Monza e cila u promovua nga Serie B, ku në përbërje kanë si president Silvio Berlusconin dhe si administrator kanë Adriano Galliani.
Galliani është ai që po realizon merkaton e Monzës, të cilën po e ndërton pothuajse nga e para. Galliani ka realizuar deri më tani disa goditje të rëndësishme për një ekip si Monza. Ranochia, Pesina, Sensi, Kranjo, Carboni dhe Birindelli janë deri më tani transferimet e realizuara.
Ata gjithashtu po mendojnë edhe një emër të madh për repartin e sulmit, ku të piketuar janë Petagna i Napolit, Pinamonti i Interit dhe Mauro Icardi i PSG-së.
Së fundmi, Galliani ka vendosur në kllapa emrin e lojtarit të Shqipërisë, Berat Gjimshiti. Ky operacion apo kjo përpjekje, do të jetë e vështirë pasi Gjimshiti ka mundësinë të aktivizohet në Evropë me Atalantën.
