Qentë endacakë janë një problem që po diskutohet tash e shumë kohë, mirëpo ende nuk është gjetur zgjidhje për ta, shkruan Gazeta Sinjali.
Sonte një vajzë në Ferizaj ka qenë cak i sulmit të qenve endacakë.
Në një video të siguruar nga Sinjali, shihet se derisa vajza ishte duke ecur, pesë qenë i vërsulen. Ajo mundohet t’i largojë ata duke i frikësuar me çantën që e kishte në krah.
Mirëpo në atë moment, një veturë kalon pranë tyre dhe ndalet. Disa djem dalin nga vetura dhe i frikësojnë qentë, të cilët më pas largohen.
Kujtojmë që është rritur numri i rasteve, që qytetarët po sulmohen nga qentë endacakë, madje disa prej tyre kanë pësuar lëndime serioze.
