Ministrja e Jashtme gjermane Annalena Baerbock ka mbërritur në Ukrainë, duke u bërë zyrtarja më e lartë e qeverisë gjermane që viziton vendin që nga fillimi i pushtimit rus më 24 shkurt.
Ndalesa e saj e parë ishte në qytetin Bucha, afër Kievit, ku forcat ruse akuzohen se kanë kryer krime lufte, shkruan Al Jazeera.
Moska, e cila ka mohuar vazhdimisht se ka shënjestruar civilët në Ukrainë, i ka quajtur pretendimet se forcat e saj ekzekutuan civilë në Bucha ndërsa ata pushtuan qytetin si një “falsifikim monstruoz” që synon denigrimin e ushtrisë ruse.
