Ministri i Shëndetësisë, Armend Zemaj ka viztuar sot Spitalin Rajonal të Mitrovicës, ku kanë dorëzuar një autoambulanë, e cila ishte nevojë urgjente e këtij spitali.

Këtë e bëri të ditur Zemaj përmes një postimi në Facebook.

“Sapo përfundova vizitën në Spitalin Rajonal të Mitrovicës, ku u informova për kapacitetet e kësaj qendre për trajtimin e pacientëve me COVID-19. Me këtë rast, dorëzuam edhe autoambulancën e cila ishte nevojë urgjente e kësaj qendre spitalore”, ka shkruar ai në Facebook.

Në spitalin e Mitrovicës po trajthen edhe pacientët e infektuar me koronavirus nga komuna e Skenderajt dhe Vushtrrisë.

“Prioritet kemi luftën kundër COVID-19, andaj po bëjmë çmos që të rrisim kapacitetet edhe këtu, në mënyrë që jo vetëm pacientët e Mitrovicës, por edhe ata të komunës së Skenderajit e të Vushtrrisë të trajtohen këtu, pa pasur nevojë të shkojnë në Prishtinë për trajtim”, ka shkruar tutje Zemaj. /GazetaSinjali/