Ministri i Shëndetësisë, Arben Vitia, ftoi qytetarët që të vaksinohen kundër koronavirusit, pasi siç tha, ekspertët vlerësojnë se në vjeshtë pritet të ketë valë të re të pandemisë COVID-19.

Këtë deklaratë Vitia e bërë nga salla “1 Tetori” në Prishtinë, pasi mori dozën e parë të vaksinës AstraZeneca.

“Vjeshta duhet të na gjejë me sa më shumë qytetarë të vaksinuar. Është e vetmja mënyrë dhe me siguri se edhe nëse paraqitet një valë e re deri në vjeshtë, e që sipas ekspertëve është pothuajse e pashmangshme, vetëm të vaksinuar ruajmë shëndetin e njëri-tjetrit, shëndetin ekonomik, social, ruajmë mirëqenien tonë”, tha Vitia.

Kosova, sipas Vitisë, deri më tani ka mbi 2 milionë vaksina dhe ka vaksina të mjaftueshme në stoqe.

Si çështje tjetër ai paralajmëroi se gjatë kësaj jave do të bëhet edhe rishikimi i masave kundër COVID-19./Gazeta Sinjali/