Në ditën e Festës së Fitër Bajramit, Ministri i Shëndetësisë, Rifat Latifi ka qëndruar në QKUK.
Ai së bashku me drejtorin e SHSKUK-së, Valbon Krasniqin kanë vizituar Klinikën e Pediatrisë.
Siç njofton komunikata, Latifi ka falënderuar personelin shëndetësor dhe atë mbështetës për punën që po bëjnë dhe angazhimin e tyre për t’u ofruar qytetarëve shërbime shëndetësore.
“Gjatë kësaj vizite, Ministri ka bashkëbiseduar edhe me pacientë që po marrin shërbime në klinikat e QKUK-së dhe familjarët e tyre”, thuhet në njoftim.
