image Ministri Latifi: Kam lënë një institucion të fuqishëm, kam ardh me ja kthy borxhin Kosovës
[wp-story id="814678"]

Shëndetësi

Ministri Latifi: Kam lënë një institucion të fuqishëm, kam ardh me ja kthy borxhin Kosovës

news image

Ministri i Shëndetësisë, Rifat Latifi në Komisionin Parlamentar për Shëndetësi ka deklaruar se ka lënë një institucion të fuqishëm në New York dhe është kthyer për të ia larë borxhin Kosovës.

Ai ka deklaruar se në Kosovë është përgatitur dhe shkolluar, por që si punëtorët tjerë shëndetësorë i është dashur ta lëshoj vendin.

“Unë e e kam lënë një institucion jashtëzakonisht të fuqishëm shëndetësorë, ku katër kirurg të pediatrisë i bëjnë 4-5 mijë operacione në vit, ose ku bëhen operacione të jashtëzakonshme. Kam ardh këtu vetëm me një qëllim shumë të thjeshtë, me ja kthy borxhin Kosovës. Unë jam përgatit këtu, këtu e kam kry fakultetin e Mjekësisë, këtu kam mbaru shkollën e mesme të mjekësisë. Për arsye që tani po na ikin specializantët dhe mjekët tanë, edhe unë kam shkuar në Amerikë”, ka deklaruar ai.

Latifi ka thënë se për ta rregulluar shëndetësinë nuk është vështirë askund në botë.

“Për me rregullu shëndetësinë në Kosovë dhe kudo në botë, nuk është vështirë fare, vetëm nëse kemi përballë idenë dhe konceptin kush po na duhet, për çfarë po punojmë na. Për me u kujdes ne për pacientin në mënyrë moderne, me standartet më të larta, ne duhet me pas ekipin e mirë. Ekip që formohet prej mjekëve, infermierëve, teknikëve, punëtorëve shëndetësorë administratorë. Prej të gjithë neve”, ka shtuar ai./GazetaSinjali/