image Ministri Krasniqi: Qeveria do të ketë qasje të njëjtë ndaj kryetarëve të rinj, është obligim kushtetues e ligjor - Sinjali

Ministri Krasniqi: Qeveria do të ketë qasje të njëjtë ndaj kryetarëve të rinj, është obligim kushtetues e ligjor

news image

Ministri i Pushtetit Lokal, Elbert Krasniqi, ka thënë se qasja e njëjtë e Qeverisë ndaj kryetarëve të ri është obligim kushtetues dhe ligjor.

Madje, ai thotë se si Qeveri kanë pasur shumë ndryshime në planifikimin buxhetor, duke theksuar se do t’i japin prioritet projekteve që kanë të bëjnë me përmirësimin e kushteve të qytetarëve, duke përfshirë edhe grupet e ndryshme etnike.

“Është shumë me rëndësi se si qeveri kemi pasur shumë ndryshime në planifikimin buxhetor edhe mbështetjen për nivelin lokal. Do t’i japim prioritet edhe projekteve që kanë të bëjnë drejtpërdrejtë me përmirësimin e jetës, të kushteve të qytetarëve duke përfshirë edhe grupet e ndryshme etnike”.

“Projekti i vitit të ardhshëm parasheh mbështetjen e komunave, në mënyrë të veçantë projektet infrastrukturore dhe ato që kanë të bëjnë me ofrimin e ujit të pijes për qytetarët në komuna të Kosovës. Nuk mund të flas për ndaljen e projekteve të komunave. Ky buxheti i vitit që është në proces ka paraparë të jetë gjithëpërfshirës dhe t’i prioritizojë edhe prioritet e Qeverisë tonë”, ka deklaruar Krasniqi për EO.

Tutje, ai tha se granti i performancës sa ishte 3.4 milionë vitin tjetër do të jetë 8.5 milionë në shërbim të projekteve që do të përfitojnë komunat.

Megjithatë, ai tha se mbi 12 milionë euro dedikohen nga ministria për nivelin lokal.

“Në anën tjetër, qasja e qeverisë ndaj kryetarëve të rizgjedhur është qasje që e kemi për obligim kushtetues dhe ligjor. Ne jemi në fazën e përfundimit të një hulumtimi në teren me komuna me biznese dhe qytetarë për rimëkëmbjen ekonomike në nivel lokal. Kemi arritur që dy programe në kuadër të ministrisë t’i formësojmë, t’i japim vlerë monetare”.

“Granti i performancës sa ishte 3.4 milionë vitin tjetër do të jetë 8.5 milionë në shërbim të projekteve që do të përfitojnë komunat dhe në partneritet me Ministrinë e Ambientit dhe Infrastrukturës, kemi arritur të krijojmë një program që ka për fokus financimin e projekteve dhe programeve të cilat iniciohen drejtpërdrejtë nga qytetarët në komunën e tyre”.

“Është projekt tjetër në vlerë prej 4 milionë dhe janë mbi 12 milionë euro që dedikohen nga Ministria e Pushtetit Lokal për nivelin lokal. Viti 2022 do ta gjejë Ministrinë të përgatitur, me një energji të re për t’i çuar përpara planin operacional dhe objektivat tona si ministri”, tha Krasniqi./GazetaSinjali/


Shpërndaje artikullin