Mijëra qytetarë largohen nga Turqia pas termetit, nuk deshirojnë të rikthehen
Mbi 158,000 njerëz janë larguar nga zonat e Turqisë jugore të shkatërruara nga tërmetet. Riza Atahan, nga provinca e Hatay, i cili u largua me gruan dhe vajzën e tij në një autobus duke i çuar në një vend të sigurt 186 milje larg, më pas u kthye në shtëpinë e tij të dëmtuar për të marrë gjërat e tyre.
“Unë nuk kam shumë pritshmëri nga kjo jetë, por jeta e fëmijëve tanë është e rëndësishme,” tha ai.
Ai shpreson t’u kursejë atyre vështirësitë me të cilat do të përballet Hatay në muajt e ardhshëm.
Mijëra njerëz gjithashtu u larguan në panik menjëherë pas lëkundjeve, duke shkaktuar bllokim të trafikut ndërsa njerëzit kërkonin dëshpërimisht për rrugë të kalueshme.
Hamza Bekry, 22 vjeç, një sirian me origjinë nga Idlibi, i cili ka jetuar në Hatay për 12 vite tha se po shkonte drejt perëndimit për në Isparta.
“Shtëpia jonë u shemb plotësisht. Disa nga të afërmit tanë vdiqën, ka ende nën rrënoja,” tha ai.
“Familja ime ka shkuar në Isparta, po shkoj edhe unë atje, nuk do të kthehemi në Hatay”. /abcnews.al/
