Ministri i Mbrojtjes në Qeverinë e Kosovës, Armend Mehaj e ka falënderuar presidentin kroat, Zoran Milanoviq, për propozimin që Kosova të integrohet në NATO, duke e quajtur vëlla, shkruan Gazeta Sinjali.
Në një postim në Facebook, Mehaj ka shkruar se do të vazhdojë rrugën e prosperitetit dhe mbrojtjes së vlerave euroatlantike.
“Ju faleminderit Miku ynë i madh! Do të vazhdojmë së bashku me ju, vendin tuaj dhe popullin vëlla kroat në rrugën e prosperitetit dhe mbrojtjes së vlerave euroatlantike të lirisë, demokracisë, duke i shërbyer paqes, sigurisë dhe stabilitetit rajonal dhe global”, ka shkruar Mehaj në Facebook.
Postimi i plotë:
Në samitin e sotëm të NATO-s të mbajtur në Bruksel, Presidenti i Kroacisë, Zoran Milanoviq, ka propozuar që Kosova të integrohet në këtë aleancë, e të bëhet më në fund shtet i plotë.
“Katër shtete të NATO-s ende nuk e njohin Kosovën. Unë propozova që Kosova të integrohet dhe më në fund të bëhet një shtet i plotë”, ka thënë Presidenti Milanoviq.
Ju faleminderit Miku ynë i madh!
Do të vazhdojmë së bashku me ju, vendin tuaj dhe popullin vëlla kroat në rrugën e prosperitetit dhe mbrojtjes së vlerave euroatlantike të lirisë, demokracisë, duke i shërbyer paqes, sigurisë dhe stabilitetit rajonal dhe global.
