“Rishikimi i ‘Zgjoi’: Pas luftës, një e mbijetuar e gjen veten”, është titulli që gazeta amerikane “New York Times” i ka vendosur shkrimit për filmin “Zgjoi” të regjisores Blerta Basholli.

Ky film është i bazuar në ngjarje të vërteta të grave që kanë mbetur të veja për shkak të luftës së fundit në Kosovë, të cilat luftuan kundër patriarkatit. Filmi shpalos rrëfimin e Fahrije Hotit dhe grave nga Krusha e Madhe. Aktorja Yllka Gashi luan rolin e Fahrije Hotit.

“Megjithatë, kryesisht ajo që të bën të tërbuar është performanca e fuqishme, e bazuar fizikisht e Gashit, e cila artikulon në mënyrë lirike punën e brendshme të personazhit të saj të heshtur. Së bashku, interpretuesja dhe regjisorja shpalosin harkun e një jete përmes gjesteve të Fahrijes dhe në vijat e forta të nofullës së saj, në buzët e saj pa buzëqeshje dhe në shikimin e saj të ulur shpejt. Ndërsa, stoicizmi i personazhit duket si një mur i pathyeshëm, këto dy gra e çmontojnë – dhe e rindërtojnë atë – me efekt nxitës”, thuhet në këtë artikull.

Filmi “Zgjoi” pati sukses të jashtëzakonshëm ndërkombëtar. Së fundi, në festivalin spanjoll “Seminci”, aktorja Gashi është zgjedhur aktorja më e mirë, ndërsa filmi “Zgjoi”fitoi çmimin “Fundos”.  /Gazeta Sinjali/