image Mbyllet për publikun seanca dëgjimore ndaj të arrestuarit për vrasjen e dyfishtë në Pejë - Sinjali

Mbyllet për publikun seanca dëgjimore ndaj të arrestuarit për vrasjen e dyfishtë në Pejë

news image

Është mbyllur për publikun seanca dëgjimore ndaj të dyshuarit Avni Ademaj, ndaj të cilit Prokuroria e Pejës ka kërkuar masën e paraburgimit, nën dyshimin se ka vrarë tani të ndjerin Blerand Kadrijaj.

Vendimin për mbylljen e seancës dëgjimore e ka marrë gjyqtari i procedurës paraprake, Sami Sharraxhiu, i cili ka thënë se seanca paraprake nuk është publike.

Ndryshe, sipas kërkesës për caktimin e masës së paraburgimit, të siguruar ekskluzivisht nga “Betimi për Drejtësi”, thuhet se ekziston rrezik real i arratisjes së të dyshuarit, e cila do të pengonte zhvillimin normal të hetimeve.

Avni Ademaj po dyshohet për rastin e mbrëmjes së 8 shtatorit, nga ku dy persona mbetën të vrarë, kurse vet ai i plagosur.

Dy personat që mbetën të vrarë janë kandidati i Partisë Demokratike të Kosovës (PDK) për kryetar të Komunës së Pejës, Astrit Ademaj dhe ish-kandidati për kryetar të Komunës së Deçanit më 2017 nga radhët e PDK-së, Blerand Kadrijaj. 

Shënim: Personat e përmendur në këtë artikull konsiderohen të pafajshëm, përveç̧ nëse nga gjykata vërtetohet se janë̈ fajtorë me vendim të formës së prerë.

/GazetaSinjali/


Shpërndaje artikullin