image Mblidhen deputetët, ministri Murati në interpelancë për mosekzekutimin e pagave për mësimdhënësit

Politikë

Mblidhen deputetët, ministri Murati në interpelancë për mosekzekutimin e pagave për mësimdhënësit

news image

Deputetët e Kuvendit të Republikës së Kosovës do të mblidhen sot për seancën e radhës plenare, raporton Gazeta Sinjali.

Në seancën që pritet të fillojë në orën 10:00, janë dhjetë pika në rend dite, përfshirë interpelancën e ministrit të Financave, Punës dhe Transfereve, Hekuran Murati, për çështjen “Cënimi i të drejtave të punëtorëve në administratën shtetërore me ndalimin e pagave, si dhe presioni mbi pushtetin lokal, ndërhyrja në autonominë e komunave”.

Gjithashtu, në rend dite do të jetë edhe “Shqyrtimi i parë i Projektligjit nr.08/L-173 për Sigurinë Kibernetike”, si dhe “Shqyrtimi i Propozim-rezolutës për gjendjen në sektorin e shëndetësisë”.

Rendi i ditës:

1. Deklarimet jashtë rendit të ditës,

2. Pyetjet parlamentare,

3. Interpelancë me ministrin e Ministrisë së Financave, Punës dhe Transfereve, z. Hekuran Murati për çështjen: “Cenimi i të drejtave të punëtorëve në administratën shtetërore me ndalimin e pagave, si dhe presioni mbi pushtetin lokal, ndërhyrja në autonominë e komunave”,

4. Shqyrtimi i parë i Projektligjit nr.08/L-177 për Institutin e Krimeve të Kryera Gjatë Luftës në Kosovë,

5. Shqyrtimi i parë i Projektligjit nr.08/L-166 për Tubime Publike,

6. Shqyrtimi i parë i Projektligjit nr.08/L-173 për Sigurinë Kibernetike,

7. Shqyrtimi i parë i Projektligjit nr.08/L-175 për Mbrojtjen e Informacionit të Klasifikuar.

8. Shqyrtimi i Propozim-rezolutës për gjendjen në sektorin e shëndetësisë.

9. Shqyrtimi i Rekomandimeve lidhur me Raportin e auditimit për pasqyrat financiare të Ministrisë së Shëndetësisë për vitin 2021,

10. Shqyrtimi i Rekomandimeve lidhur me Raportin e auditimit për pasqyrat financiare të Shërbimit Spitalor Klinik dhe Universitar të Kosovës për vitin 2021.

/GazetaSinjali/