Ministria e Shëndetësisë ka prezantuar pak orë më parë masat e reja rreth kufzimit të lëvizjes së qytetarëve të Kosovës, për të parandaluar përhapjen e virusit Covid-19.

Sipas vendimit të ri të Qeverisë së Kosovës, marketet, barnatoret dhe furrat do të mund të punojnë deri në orën 22:30.

Deri në orën 22:30 po ashtu është i lejuar qarkullimi i njerëzve, i cili do të bëhet në orare të ndara, të bazuara nga numri i parafundit personal i letërnjoftimit, shkruan Gazeta Sinjali.

Sipas këtij vendimi nëse këto rregulla nuk do të zbatohen nga persona të caktuar atëherë ata do të dënohen dhe do të cilësohet vepër penale.

Ky vendim i Qeverisë do të hyjë në fuqi më 15 prill nga ora 06:00 e mëngjesit./GazetaSinjali/