Policia italiane ka arrestuar një 28-vjeçar me origjinë shqiptare si bashkëpunëtor të masakrës së Nicës të 14 korrikut 2016.

Bëhet fjalë për të riun Endri Elezi, i cili u arrestua në Sparanise, në provincën e Caserta-s në Itali, raporton A2, transmeton Gazeta Sinjali.

Sipas mediave italiane, 28-vjeçari shqiptar ishte në kërkim pas një urdhërarresti të lëshuar nga autoritetet franceze, pasi ai ishte përgjegjës për furnizimin me armë të autorit të masakrës, Mohamed Lahouaiej Bouhlel.

I riu u identifikua nga agjentët e Digos të Napolit dhe Caserta, të koordinuar nga zyra e prokurorit të Napolit, falë informacionit të mbledhur nga Antiterrorizmi.

Në masakrën e 14 korrikut të vitit 2016 në Nisë të Francës humbën jetën mbi 80 persona, ndërsa qindra të tjerë u plagosën teksa nga një kamion u qëllua mbi turmën e mbledhur për të festuar Ditën e Kombëtare të 14 Korrikut./GazetaSinjali