Deputeti i Partisë Demokratike të Kosovës, Mërgim Lushtaku, gjatë fjalimit të tij në seancën e sotme ka reaguar ashpër në Kuvendin e Kosovës ndaj deputetëve të Lëvizjes Vetëvendosje, meqë këta të fundit nuk e kanë përkrahur një amandament të Lushtakut që lidhet me një projekt për furnizimin me ujë të Skenderajt.

Lushtaku ka thënë se me një votim të tillë deputetët e VV-së e kanë treguar fytyrën e tyre të vërtetë dhe se janë kundër Drenicës.

“Fillimisht duhet të shpreh keqardhjen e madhe ndaj këtij votimit që po tregon që partia Vetëvendosje e ka ende një hatër mbetje për shkak të votave që s’ja ka dhënë as në qendrore as në lokale. Është për turp, dhe ju po e tregoni fytyrën e vërtetë, që jeni kundër Drenicës. Në kohën më të vështirë, edhe aparati serb në krye me Millosheviqin, kanë dasht me na e ndalë ajrin dhe jetën, po nuk kanë mujt”, është shprehur Lushtaku.

Ndaj fjalëve të Lushtakut ka reaguar kreu i Kuvendit të Kosovës, Glauk Konjufca, i cili ka cilësuar se gjuha e Lushtakut është joparlamentare./GazetaSinjali/