Lista Serbe ka bërë thirrje për kursim të energjisë elektrike kur Kosova po përballet me një krizë energjetike.
Përmes Facebook-ut, partia e Goran Rakiqit ka kërkuar konsum racional në mënyrë që të gjithë të kenë energji elektrike të mjaftueshme.
“Lista Serbe u bën thirrje të gjithë qytetarëve të tregojnë solidaritet dhe përgjegjësi dhe të ulin konsumin e energjisë elektrike, veçanërisht ata që konsumojnë sasi të mëdha të energjisë elektrike në disproporcion me përdorimin normal. Është periudha e dimrit dhe është e rëndësishme që me konsum racional të gjithë të kenë energji elektrike të mjaftueshme”, thuhet në postimin e LS.
Thirrje për kursim të energjisë elektrike kanë ardhur edhe nga Qeveria, KEK-u, KEDS-i e KOSTT-i, ndërkohë që vendi po përballet me reduktime.
Kujtojmë që veriu i Kosovës, shumicën e kohës është furnizuar me energji elektrike.
