Lautaro Martinez siguron që Interi ‘ende beson’ në titullin e Serisë A, pasi ata shkojnë në raundin e fundit dy pikë prapa Milanit, por thekson keqardhjen e tij më të madhe të sezonit.
‘El Toro’ realizoi një dygolësh në Sardenjë në fitoren 3-1 të skuadrës së tij ndaj Cagliarit, duke mbajtur hapur garën për titull deri në xhiron e fundit, sepse diferenca mbetet prej dy pikësh.
Duke qenë se Milani ka një rekord më të mirë ballë për ballë, kjo do të thotë se kuqezinjve u duhet vetëm një pikë për të garantuar Scudetton kur ata të udhëtojnë në Sassuolo.
Interi, ndërkohë, pret një skuadër të Sampdorias, e cila tashmë është e sigurt nga rënia.
“Ishte një ndeshje e vështirë, pasi Cagliari kishte shumë në lojë gjithashtu, por ne kishim nevojë të fitonim dhe jam i lumtur që ia dolëm”, tha Lautaro Martinez për DAZN.
“Tani duhet të fitojmë ndeshjen finale dhe të shpresojmë për më të mirën. Ne kemi ende një mundësi për të fituar Scudetton dhe prandaj besojmë.”
Kur u pyet për keqardhjen e tij për sezonin, Lautaro nuk zgjodhi humbjen 2-1 ndaj Milanit që ndan efektivisht skuadrat, por një humbje ndryshe në Stadio Dall’Ara.
“Fatkeqësisht, humbëm pikë shumë të rëndësishme kundër Bolognas. Nëse do të kisha mundësinë të riluaja një ndeshje, do të ishte ajo, ishte një turp i vërtetë.”
Ajo humbje 2-1 ishte ndeshja e riplanifikuar e javës së 20-të që u zhvendos nga janari në maj pasi Bologna u godit nga një shpërthim COVID-19, duke i detyruar ata të shtyjnë ndeshjen.
Ishte ndeshja e vetme e sezonit të Serie A pa kapitenin Samir Handanovic dhe zëvendësuesi i tij Ionut Radu bëri një gafë të kushtueshme për golin vendimtar.
