Kjo verë po shihet si njëra prej sezoneve me shifra rekorde të numrit të mërgimtarëve të cilët kanë vendosur t’i kalojnë pushimet e tyre në Kosovë.
Vetëm sot 59 aeroplanë ateruan në aeroportin “Adem Jashari”, ndërsa pritje të gjata po ka edhe në pikëkalimet kufitare.
Sinjalizuesit e Gazetës Sinjali kanë bërë me dije se tek pikëkalimi kufitar Dheu i Bardhë, për të hyrë në Kosovë, pritjet po zgjasin deri në shtatë orë.
Pritje deri në një orë e gjysmë për të hyrë në Kosovë janë edhe tek pikëkalimi kufitar në Muçibabë, ndërsa pritjet për të dalë janë 3 deri në 5 minuta.
Përveç këtyre dy pikëkalimeve kufitare, pritjet në pikat e tjera për të dalë ose për të hyrë në Kosovë janë të vogla, që zgjasin jo më shumë se 10 minuta.
