Emisari special i Bashkimit Evropian, Miroslav Lajçak, ka deklaruar se dialogu Kosovë-Serbi është qartë i ndërlidhur me të ardhmen e tyre.

Ai sot gjatë një takimi në Luksemburg me ministrat e Jashtëm të BE-së, ka prezantuar raportin për rrjedhën e dialogut Kosovë-Serbi.

“Mirëpres interesimin e sinqertë dhe mbështetjen e fuqishme të ministrave të Jashtëm të BE-së. Diskutimet e sotme konfirmuan se dialogu është qartë i ndërlidhur me të ardhmen evropiane të Kosovës dhe Serbisë”, ka shkruar Lajçak në Twitter pas takimit. /Gazeta Sinjali/