“Orari i gjatë e puna e lodhshme” shpeshherë shkaktojnë ënjtjen e këmbëve. E një zgjidhje për t’i pushuar këmbët e trupin në temperatura të larta është gjetur tash e sa kohë nga disa prej zyrtarëve të institucioneve në Kosovë.
Me këmbët në dritare e me veturë zyrtare është kapur së fundmi edhe një zyrtar i Ministrisë së Infrastrukturës. Gazeta Sinjali mëson se bëhet fjalë për Bashkim Islamin, që mban pozitën e ekzaminerit në kuadër të kësaj ministrie.
Ai është parë me këmbët në dritare në veturën zyrtare, ma tabelat 3Z-177-08, e cila po lëvizte dje në një fshat të Ferizajt.
Islamit, i cili ishte në karrigen e pasagjerit, siç duket nuk ia prishi qejfin as shoferi që e voziste veturën zyrtare.
Kujtojmë që në Qeverinë Haradinaj ishte shkarkuar një zv/ministër që ishte kapur me këmbë në dritare derisa ishte në veturë zyrtare.
Veprime të tilla të pahijshme, si keqpërdorimi i automjeteve zyrtare vazhdimisht kanë ngjallur reagime në publik.
Megjithatë këto gjeste tashmë janë bërë një normalitet në vendin tonë.
