Gazeta Sinjali sot raportoi për plagosjen me armë zjarri të tre personave në Viti, njëri prej të cilëve nuk arriti t’u mbijetojë plagëve.

Sinjali mëson se viktima është A.Rama, i cili jetonte në mërgim dhe kishte ardhur për pushim në Kosovë.

Trupi i pajetë i të riut është dërguar për obduksion në Institutin e Mjekësisë Ligjore.

Përveç Ramës, nga ky rast janë plagosur edhe dy persona të tjerë, njëri prej të cilëve është në gjendje të rëndë shëndetësore, në Spitalin e Gjilanit.

I dyshuari për vrasjen e tij është prangosur nga Policia e Kosovës dhe i njëjti, me vendim të prokurorit, është ndaluar për 48 orë.

Të arrestuarit, prokuroria ka bërë të ditur se i është sekuestruar një revole dhe një armë e gjatë./Gazeta Sinjali/